சாரங்கன்

 மிதமிஞ்சிய ப்ரியங்களின் பிரிவுகளில் இன்னமும்  மீதமிருக்கின்றது இறுதி அணைப்புக்களின்  இளஞ்சூடு வெம்மையின் தகிப்பும் விலகலும் பொழிவின் கூதலும்  அணைப்பும் வாழ்வின் நியாயத்தீ ஓ நீ இன்னமும்  ரட்சித்திக்கொண்டிருக்கிறாயா? பரலோகபிதாவே இறங்கி வாரும் பாவங்களை மன்னித்தருளும் யாரங்கே? புதிய பழைய ஏற்பாடுகளை கலந்துவாசிப்பது சாரங்கன் 130222

 கரிநாள் என்றார்கள் பஞ்சாங்கமோ சதுர்த்தசியென்றது சுதந்திரம் என்றார்கள்  மிட்டாய்களை விட சன்னங்கள் அதிகம் பகிரபடுகிறது அரூபசங்கிலிகள் நெருக்குகின்றன கூத்தாடிகள் அறிக்கைகளில் சுதந்திரம் நினைவூட்டப்படுகிறது என்நாட்குறிப்பின் விடுமுறை நாளொன்று கடக்கின்றது எந்நாளும் பச்சைகளும் காவிகளும் தீர்ப்பெழுத  பகடைகளாகிறோம் கிடைக்கப்பேறாத தீர்வுகளோடு பழம்கோரிகைகளும் புத்துயிர்பெறுகின்றன நான்  எங்கே எப்போது எதில் எதனால் சுதந்திரமானவன் சாரங்கன்

 ரசித்தல் பிரபஞ்சவிதி மண் விண் பெண் அத்தனையும் கண்களால் கைதாக்கல் தொடர்கிறது சீருடையில்லா காவலன் இங்கே உலா வருகிறான் வெளிகளில்  அறைகளில் குலாவுதலில் முனகலில் தொடர்கிறது யாரங்கே! என்முன்னிருக்கும் ரசித்தல் பொருளை ம(ற)றைக்க முயல்வது